Kurti: Tre milionë euro investim në arsim për Komunën e Malishevës

15:03 | 25 Dhjetor 2024
E.K

Kryeministri i Kosovës, Albin Kurti, ka njoftuar se deri më tani janë ndarë tre milionë euro për përmirësimin e arsimit në Komunën e Malishevës.

Përmes një postimi në Facebook, Kurti ka bërë të ditur se së bashku me ministren e Arsimit, Arbërie Nagavci, ka vendosur gurthemelin e çerdhes së re në fshatin Bellanicë.

‘Tre milionë euro i kemi ndarë deri më tani për arsim në Komunën e Malishevës. Me ministren e Arsimit, Arbërie Nagavci vendosëm gurthemelin e çerdhes së re në fshatin Bellanicë. Çerdhja do ketë një hapësirë prej 886.3 m2, e mjedis të përshtatshëm për edukim, zhvillim e socializim për 80 fëmijë të këtij fshati dhe tre fshatrave tjerë të Malishevës: Guncat, Temeqinë dhe Bardh”, shkroi Kurti./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm